Tiburzio Anitua (1848-1938)

Eibarren jaio zen 1848an eta 1938an hil zen. Eibarko udalak, Tiburzio Anituari Amaña auzoko kale baten izena eskaini zion Ospitalea eraikitzeko emandako laguntzagatik.

Tiburcio AnituaEibarren grabadore ofizioa ikasi eta behar horretan jardun zuen Ameriketara joan aurretik. Ameriketako Kolombian, Barranquilla herrian, arma-denda handi baten kargu hartu zuen eta  beste eibartar bat kontratatu zuen, Juan Sarasua,  laguntzaile bezala eta gero saldu zion denda.
 
Tiburzio Anituak ondo ezagutzen zuen Eibarko Ospitalaren historia: 1563. urtearen inguruan jaso zen,  1794. urtean frantsesek Eibar erre zutenean, ospitala ere kiskalita geratu zenez, Frantzisko Aretak, Argentinako La Plata herrian zegoen abade eibartar batek, 4.000 erreal bidali zituen ospitala berriz jasotzeko. Tiburzio Anituak, bere testamentuan, ondasun guztiak bere jaioterriko ospitalari laga zizkion.

Orduko ospitalaren administratzailea Timoteo Zubiate zen-Eibarko alkate izan zena- eta Anituaren diru-laguntza oso ondo etorri zitzaion ospitala aurrera ateratzeko.

Eibarko ospitalea

Tiburtzio Anituak Eibarko Ospitalari asko lagundu zion.

Dokumentuaren akzioak