Elorretaburu

Lurralde-muga. Mugarriak bi udalerri banatzen ditu: Eibar eta Ermua

Kareharriz eginiko mugarri hau prisma itxurako bi harriz osatuta dago, bata karratua eta bestea angeluzuzena. Elorretabekoa eta Elorretagoikoa baserrien artean dago kokatuta, artez beteriko gune batean.

Harrietako batek gurutze bat dauka zizelkatuta Ermurantz begira dagoen aldean. Bestean Eibarko eta Ermuko herrien lehenengo letrak daude markatuta.

Egoera onean dago. Goroldioz ia guztiz estalirik zegoen.

Ermutik hasita, Elorretagoikoa baserrira heldu baino pixka bat lehenago eskuinean artadi bat dago. Artadiaren barnean dago, asfaltozko bidetik hego-ekialderantz 30 m-ra. Aurreko mugarritik 99 m-ra dago, 343º ipar-mendebalderantz.

“Arrikurutz” izeneko 13. mugarriak gurutzearekin zerikusia duen zerbait izan beharko lukeela iruditzen zaigu. Hala ere, 11. mugarri honek dauka gurutzea.