Urrestigaña

Lurralde-muga. Mugarriak bi udalerri banatzen ditu: Eibar eta Ermua

Oinarri karratua, prisma itxura eta hareharriz egindako mugarria.

Er letrak ditu zizelkatuta, eta beste aldean metalezko plaka bat du erantsita “Eibar – Ermua / M11” inskripzioarekin.

Egoera onean dago.

Urkoko ipar-mendebaldeko gailurra jarraituz Auntzarterantz, Urrestiko mendi-lepoa baino pixka bat aurrerago, ate bat zeharkatu behar da, eta aurrerago eskuinaldeko bidezidorretik joan behar gara. Bidegurutze honetatik metro gutxira dago mugarria. Aurreko mugarritik 710 m-ra dago, 299º ipar-mendebalderantz.

Bitxia bada ere, mugarri hau ez da agertzen 1927ko aktan.