Amurutegi

Lurralde-muga. Mugarriak bi udalerri banatzen ditu: Eibar eta Markina

Mugarri irregularra, zakarki zizelkatua eta hareharriz egina.

Ez da markarik antzematen. Plaka bat du “M8” inskripzioarekin.

Ondo dago, baina inguruan duen sasipe guztiaren ondorioz, oso zaila da aurkitzea.

Izuatik Barinagara jaisten den errepidea jarraituz, Aginaga bidegurutzea baino 300 m beherago hormigoizko zubi batek erreka zeharkatzen du. Bide honetatik igo, eta ez egin kasurik eskumara dagoen bideari. Ondoren, ezker aldetik, beste mendi-adar bat jaisten da Amurutegi baserri eroriaren aztarnetara. Aurrera jarraituko dugu soilgune batera iritsi arte. Mendi bizkarretik jaitsi sakonune txiki bat aurkitu arte. Tontor baten gainean dago. Aurreko mugarritik 317 m-ra dago, 128º hego-ekialderantz.

Oregizar baserriko Juan Jose Zuluagak eta Aboagazpiakoa baserriko Jose Arizmendiarretak emandako argibideei jarraituz, hiru saialdi eta gero lortu genuen mugarriaren kokalekua zehaztea.