Kiñarra

Udalerrien arteko muga. Mugarriak bi udalerri banatzen ditu: Eibar eta Bergara

Oinarri karratua, prisma itxura eta kareharriz egindako mugarria.

Goiko aldean mugaren lerroak kiebro txiki bat du. E eta B letrak daude markatuta.

Egoera onean dago, garbia eta markak kolore gorriz margotuta.

San Salbadorreko ermitatik heldu gaitezke, Topinburura igotzen den bidezidorrari jarraituz. Salbadorekurutzea atzean utzita, zelaigunean ezkerreko bidea hartuko dugu. Gure bidea baino beherago, paraleloki, beste bide bat dago. Bi bideen artean bi edo hiru pago daude, eta mugarria horien ondoan dago. Azurtzatik ere heldu gaitezke. Lehenengo San Salbadorrera doan bidea hartuko dugu, ondoren bide hori utzi eta eskuinetik jarraituko dugu. Metro batzuk aurrerago ezkerrean dagoen beste bide batetik segituko dugu, San Salbadorrera eta Topinburura joateko bidearekiko paralelo dagoena. Salbadorekurutzea mugarria aurkitu arte jarraitu. Ondoren, aurreko puntuan azaldutakoa egin.

Mugarri honen kokalekua Bergaran dagoen Pol-Pol Mendi elkarteko Luis Mari Alberdik adierazi zigun. 1927ko aktan ez da agertzen. Hala ere, guk gure lanean sartu dugu.