Santutxuzabala

Udalerrien arteko muga. Mugarriak bi udalerri banatzen ditu: Eibar eta Soraluze

Oinarri karratua, prisma itxura eta kareharriz egindako mugarria.

P eta E letrak ditu zizelkatuta. Goiko aldean muga dago markatuta.

Goroldioz beteta dago, baina egoera onean.

Igartuko mendi-lepotik gatozela, 049 eta 050 mugarriak atzean lagata hego-mendebaldetik jarraitu, mugak egiten duen bidetik. Ezkerraldean aurkituko dugu, urki gazte baten ondoan. Aurreko mugarritik 183 m-ra dago, 203º hego-mendebalderantz.