"Eibarko Euskara. Gure hizketaren doinuak eta berbak" liburuaren aurkezpena
2005/11/17
Azaroaren 23an, asteazkenean, arratsaldeko zazpi eta erdietan PORTALEko Areto Nagusian Eibarko Udalak argitaratu eta Asier Sarasuak, Aintzane Agirrebeñak eta Leire Zenarruzabeitiak egindako lanaren aurkezpena izango da.
Aurkezpen horretan liburuaren hiru egileez gain, Iñaki Arriola eta Serafin Basauri ere izango dira. Hizlariek liburuaren historia, edukia eta nondik norakoak azalduko dizkigute.
Bertara hurbiltzen zareten guztiok liburuarekin batera kaleratuko den DVDaren edukia zuzenean ezagutzeko aukera izango duzue. DVD horretan Eibarko jende nagusiarengandik jasotako hainbat pasarte jaso dira.
Aurkezpen egunean liburua eta DVDa 5 eurotan egongo da salgai PORTALEan bertan. Hurrengo egunetan, berriz, Eibarko liburudendetan eskuratzeko moduan izango da 15 eurotan.
Interesa duzuen guztiok gonbidatuta zaudete.
Dokumentuaren akzioak
