Ego Ibarra batzordeburua hil da, Miguel Lopez de Guereñu
2010/09/15
Miguel Lopez de Guereñu, Ego Ibarra batzordeko presidentea, gaur gauean hil da 47 urte zituela. 2003az geroztik zen Eibarko udaleko zinegotzi.
![](https://egoibarra.eus/eu/albisteak/ego-ibarra-batzordeburua-hil-da-miguel-lopez-de-guerenu/@@images/a1abd9a7-159e-4d39-9fbe-8285d653986e.jpeg)
Miguel López de Guereñu
Historian lizentziatua bazen ere, Lopez de Guereñuk DBnet enpresa sortu zuen, informatika alorreko enpresa. Lopez de Guereñu talde sozialistaren zinegotziak hainbat kargu izan ditu Eibarko udalean: Informatika, Merkataritza eta Industria sailetako buru izan zen hasieran; gero, 2007an Obra sailaren ardura hartu zuen eta 2010ean Ego Ibarra batzordearen kargu egin zen. Azken unera arte egin du beharra batzorde barruan.
Irailaren 16an -osteguna- izango da hileta zibila Txaltxazelaiko auditorioan, arratsaldeko 7etan.
Dokumentuaren akzioak