Enrique Sagalá Agirre

Eibarren jaio zen, Estaziño kalean. Aita katalana zuen. Aitak eta beste hainbat lagunek "Trust Eibarrés" kartutxo lantegia sortu zuten 1926an. Enrique bera ere bertan hasi zen lanean 26-27 urte zituenean eta bertan lan egin zuen erretiroa hartu arte. Trust-en lanean hasi eta hasierako bi-hiru urteetan gehienbat fakturak egiten lan egin zuen. Gero, pixkanaka, kanpora ateratzen hasi zen eta komertzial lana egitea ere egokitu zitzaion. Urte batzuk geroago Trust-eko zuzendari-orde izendatu zuten eta handik laster gerente izatera pasa zen.