Asurtzaiturriburua

Udalerrien arteko muga. Mugarriak hiru udalerri banatzen ditu: Eibar, Bergara eta Elgeta

Oinarri karratua, prisma itxura eta hareharriz egindako mugarria. Mugarriak Eibar, Bergara eta Elgeta banatzen ditu.

E, B eta E letrak ditu zizelkatuta.

Goroldioz beteta dago eta sasitza dezente dagoen toki batean kokatuta.

Soraluzetik Asurtzara igotzen, Unbeko bidetik jaistean aurkitzen dugun bidegurutzea atzean lagata, gure ezkerraldean bi zelai banatzen dituen landaresi bat ikusiko dugu. Landaresiaren norabidea jarraitu behar dugu iparralderantz, eta errepidetik 45 m-ra aurkituko dugu mugarria. Aurreko mugarritik 123 m-ra dago, 218º hego-mendebalderantz.