Edukira salto egin | Salto egin nabigazioara

Argitalpenak

Atal asko ditu, handienetakoa “Eibarko liburuak” izenekoa. Hor, Udalak argitara eman dituen edo argitaratzen lagundu dituen liburu guztiak daude, gehienak kontsultatzeko eran ipinita. Bigarrenean, “Eibar Revista sarean” dugu; bertan, Eibar aldizkaria kaleratzen hasi zenetik (1952) orain arteko ale guztiak biltzen dira. “Goi Argi aldizkaria” dugu hurrena, gaur egun argitaratzen ez den aldizkari horren ale guztiak batzen dituena.  “Kultura Egitaraua”  ere hemen dugu 2001eko irailaz geroztik egindako guztiak. "Bideoak"  horretan herriari buruzko ikus-entzunezkoena aurkituko dituzue: "Eibar industrial", "Ahotan: Eibarko eskolak", Klub Deportiboaren historia, "Arrateko Kantuak"... eta beste hainbat dokumentu. Azpimarratzekoa da baita, "...eta kitto!" aldizkariaren hasierako ale guztiak (1988-1992), Udalak ateratzen zituenekoak. Eibarrekin lotutako "Bidegileak" bildumako lanak ere hemen dauzkagu. 

Horiez gain, ezin dira ahaztu beste atal hauek ere: Eibarko idazleen datu-basearena,  Eibarko idazleei eta Eibarri buruz idatzitakoei buruz hainbat eta hainbat fitxa gordetzen dituena. Azkenik, liburu salmentari dagokion atala aparte jarri dugu, libururen bat nahi duenak bidea erosoago izan dezan.

Dokumentuaren akzioak