Jose Antonio Azpiazuren “Elkano eta Eibarko armak” hitzaldia Ego Ibarraren Youtube kanalean dago eskura

Historialariak Eibarko eta inguruetako armagintzak izan zuen garrantziaren berri eman zuen hainbat artxibotan jasotako datuetan oinarrituz. Sasoi hartan punta-puntakoa zen industria haren zertzeladak eman zituen, tartean, izen esanguratsuak aipatuz, hala nola Juan de Isasi, Juan Martinez de Mallea eta Martin Sanchez de Ibarra.

Azpiazuk emandako hitzaldiaren tesi nagusia hauxe izan zen: orduko arma-eskari handiari erantzuteko, behargin andana zegoela Eibarren eta albo herrietan etengabeko lanean, nahiz eta haien izenik agirietan azaldu ez.