"Eibarko Agirre medikuak. Hiru mende medikuntzan (1860-2006)" Antxon Narbaizaren liburua: aurkezpena.
2006/05/12
Antxon Narbaiza eibartarraren "Eibarko Agirre medikuak. Hiru mende medikuntzan (1860-2006)" liburua Eibarko udaleko Ego Ibarra Batzordeak argitaratu du bere "Eibarko Kuadernuak 3" sailaren barruan. Aurkezpena maiatzaren 18an izango da (eguena) iluntzeko 7,30etan, Portalean.
![](https://egoibarra.eus/eu/albisteak/1147162278/@@images/b1a90fbf-8efa-462e-aed8-f4b8cb11ff3a.jpeg)
Liburu horretan, Eibarko medikuntzaren historian hain esanguratsuak izan diren Agirretarren biografiak daude: Bizente Agirre Gisasola, Ziriako Agirre Alberdi, Vicente Aguirre, Ziriako Agirre Errasti, Jose Migel Agirre Errasti eta Itziar Agirre Oloriz.
Biografiez gain, egileak, errepaso sakona eman dio herriko medikuntzaren historiari; baina hala ere, sasoiko gertaeren lekuko, hortxe ditugu liburuko eranskin ezin landuago batzuetan hain ezagunak ez diren pasadizo historikoak: 1869ko errepublikano federaziozaleen ituna, Liga antigermanofiloa...
Informazio gehiago eta liburua formatu digitalean jaisteko aukera Argitalpenak Online atalean.
Dokumentuaren akzioak