“Idazkera eta idazkiak". Idazkeraren historia dakarkigu Udal Artxiboak datorren ekainaren 8an, Artxiboen Nazioarteko Egunaren atarian.
![](https://egoibarra.eus/eu/albisteak/201cidazkera-eta-idazkiak-idazkeraren-historia-dakarkigu-udal-artxiboak-datorren-ekainaren-8an-artxiboen-nazioarteko-egunaren-atarian/@@images/eac22581-76d8-45c3-8612-b5e36ab67309.jpeg)
Horren harira, Eibarko Udal Artxiboak ospakizun horrekin bat egin eta ekainaren 8rako "Idazkera eta idazkiak" tailerra antolatu du. Arabako Probintzia-Artxibo Historikoko zuzendariak, Pepe Sainz artxibariak, gidatuko du tailerra: orain dela ia sei mila urte Ekialde Ertainean idazkuntza nola asmatu zen jakitetik abiatuta, gaur arte egin duen ibilbidearen urrats nagusiak erakutsiko ditu.
Ariketa praktikoekin erakutsiko ditu dokumentu-euskarrietan eta idazte-materialetan izandako aldaketak eta idazkera-estilo garrantzizkoenak: idazkera kuneiformeak zerabiltzan buztinak edo tablillak, argizari-taulatxoak, papiro-bilkariak, pergaminoak... Kalamuak, hegazti-lumak eta plumilla metalikoak, denetik erabili zuten. Tailerrak ordu eta erdiko iraupena izango du eta goizeko 11:30ean hasiko da Udal Artxiboan bertan. Beraz, aurretik izena eman behar da, lekuak mugatuta baitaude.
Lekua gordetzeko deitu 943708422 telefonora edo helbide elektroniko honetara: artxiboa@eibar.eus.
Dokumentuaren akzioak