Edukira salto egin | Salto egin nabigazioara

Ego Ibarra 2015: "…eta kitto" udal aldizkari zaharrak sarean

2015/09/18
Ego Ibarra batzordeak digitalizatu eta sarean jarri ditu "…eta kitto!" aldizkari zaharrak, 1988ko abendutik 1991eko abendura bitartean, Udaleko Euskara departamentuak kazetari ikasle gazteen laguntzari esker editatu eta kaleratu zituen hileroko aldizkari haiek.

“Rikardo Arregi” saria jaso zuen elkarrizketa, Idoia Irazola kazetari eibartarrak egindakoa

Balio historiko handiko aleak dira, baina batik bat, herriko euskaran egindako elkarrizketak dira aipagarri eta gogoangarri: “…eta kitto!” zahar hartako orrietan dauzkagu Paulino Larrañaga, Dolores Zabala, Jose “Querido”, Ramon Sarasua, Candido Eguren, Kontxa eta Imanol Laspiur, Pedro Mari Iriondo, Mª Tere Osoro, Aldazabal, Felix Mendoza “Mendo”, Olga Arizmendiarrieta, Narbaiza bertsolaria, Bixente Martinez, Juanito “Txoko”, Pedro Celaya, Jose Antonio Arkotxa, Jose Antonio Arrillaga, Josefina “Sosola”, Antxon Narbaiza, Antxon Artamendi, Juanita Unzueta, Juanito Saez de Viteri, Pakita Arrizabala “Sahietsa”, Eli Ojanguren, Felix “Angiozarko itsua”, Eli Ojanguren edo “Goi Argi”ko kideak. Denak herriko euskara ederrean eginak eta interes apartekoak.

Idoia Irazola kazetari gazteak egindako elkarrizketa horietako batek -Candido Eguren zenari egindakoak –- irabazi zuen “Rikardo Arregi” saria.

Ale guztiak webgunean kontsultatu eta PDF formatuan deskargatu daitezke.

Ikusi baita

Dokumentuaren akzioak