Kezka dantza taldearen koko-mokoak koko-eskean ibiliko dira otsailaren 22an

15 urte izango dira Kezka dantza taldeak ohitura honi ekin ziola, herrian euskal inauterien elementuak berreskuratu eta sustatzeko asmoarekin.

Eibarko inauterien berpizte ahalegina dela esan genezake; funtsean, nagusiengandik jasotako moldeak martxan jarri nahi izan zituzten, dantzak, kantuak eta jantziak berreskuratuta.

Hauxe da Kezka dantza taldeak larunbat honetarako, otsailaren 22rako, antolatu duen egitaraua:

• 9:00 Errebalen elkartuko dira
• 10:00-13:00 Aginako baserrietan. Oregizar (10:00), Arandoaurtena, Arandobarrena, Arandoguena eta Arandoetxeberri (11:00), Aginagañekua (12:00), Aginako plazan (12:30).
• 13:30-14:00 Mandiolako Mirafloresgoikoa eta Milatxori baserrietan.
• 18:45 Toribio Etxebarrian, Deportibo aurrean koko-mokoen elkartzea, koko-dantzak eta kantuak, Mauxitxa txarangak lagunduta eta kalejira hasiera. Ibilbidea: Toribio Etxebarria, Zuloagatarren, Fermin Calbeton, Untzaga, Toribio Etxebarria.
• 21:00 Deportibo aurrean azken koko-dantzak eta kantuak.

Koko-moko
zaria bete moko.
Gibel, gibel,
afarittarako.
Dirua baneuka,
patrikarako.