Kezka taldea koko-eskean eta ate-joka ibiliko da otsailaren 19an, Gorosta eta Mandiola bailaretan.

Goizean goiz hasiko dira merkatu plazan eta, ondoren, bailara bi horietara abiatuko dira, goizeko 9etatik arratsaldeko 3etara. Hauxe da baserri-ibilbidea: Orbe, Eskaregi, Agirregainekoa, Agirreazpikoa, Azaldegigainekoa, Nagiorbe, Nagiorbebekoa, Boneta, Sagarbieta, Azpiri, Mandiolagainekoa, Mandiolazpikoa eta Arlaban.

Bestalde, Eibarko Aratosteetako 2022ko kartelak gure herriko koko-dantzariak eta koko-marruak islatzen ditu, inauteriaren sustraian oinarrituko pertsonajeak: mamarruak, burburixuak, aixerixak, hartza, Petra eta Maria, Don Eusebio, Kattalin eta Manuela, Batista kojua, amabirjina, Martin perratzailia, sasi-kartia...

Arratsaldean, 18:00etan Errebal plazan bilduko dira kokomarru gehiago koko-jantziak jartzeko, eta 19.00etatik aurrera, Anbulatorioko parkean batu ondoren, Eibarko kaleetan zehar ibiliko dira.