Txomin Badiola, Peio Irazu, Juan Aizpitarte eta Asier Mendizabal eskultoreen pieza batzuk Eibarko Alfaartek egin ditu

Alfaartek lan asko eta era guztietakoak  egin ditu bere  ibilbide motz bezain oparoan eta ez dira izaten gutxi  Eibarko tailerrera sarritan etortzen diren ospe eta izen handiko eskultura-egile euskaldunak. Aurten,  Txomin Badiolak (Bilbo, 1957) MUSACerako (Gaztela-Leongo arte garaikidearen museoa)  pieza bat egin du;  Peio Irazuk (Andoain, 1963) aluminioan eta brontzean egin ditu bere obrak Donostiako KMan izandako “Hondatu gabe bizi” erakusketarako;  Juan Aizpitarte eskultoreak (Donostia, 1974) zibilizazioaren eta mundu basatiaren artean jartzen diren hesi horietako bat irudikatzen duen  “Belle Epoque” izeneko obra egin du;  Asier Mendizabalek  (Ordizia, 1973)  hormigoizko pieza bat egin du eskultura konstruktibistarekin nolabaiteko lotura duen lana.