Edukira salto egin | Salto egin nabigazioara

"Cielito" (Agustin Zuloaga)

Piezarik maiteenetakoa da eibartarren artean Agustin Zuloaga Aldecoa musika-zuzendariaren lan hau.

Agustin Zuloaga AldekoaJende guztiaren esku jartzen dugu gure herriko piezarik ezagunena, Santa Zezilia egunez urtero jotzen den “Cielito” tangoa.  Arrate Irratiari esker eskuratu dugun grabazioa da,  Eibarko Musika Bandak 2008ko ekainaren 1ean jo eta grabatutakoa.

 

 

Agustin Zuloaga Aldecoa (1899-1934)

“Cielito” tangoaren egilea, Agustin Zuloaga Aldecoa, Durangon jaio zen 1899ko maiatzaren 15ean, baina umetatik bizi izan zen Eibarren.

Eibarko Musika Bandaren zuzendari lanpostua eskuratu zuen oposizio bidez; Musika Akademiaren zuzendari izendatu zuen Udalak, eta, aldi berean, Bretón orkrestaren (1913an sortutakoa) zuzendaritza ere bere eskuetan zuen. Banda-zuzendarien kidego nazionalekoa zen.

Bizkorregi hil zen, 35 urterekin, artean musika-alorrean gauza asko egiteko zituen banda-zuzendari bikaina.

 

Cielito partitura (Eibar)

"Cielito", tangoa. Agustin Zuloagaren lana. Partitura originala.

 

Banda de musica de Eibar 1925

Eibarko musika banda, 1925 inguruan. Indalecio Ojanguren.

Dokumentuaren akzioak